Kestunjevec

Mauček ne dveriši liene zievo, 

kekuot po pri brojde vesele pepievo.

Tišino se f jorek ne parsti zevlieklo

i kok mlodienko šlojer slieklo.

Pred progem je lausi respujstilo, 

leglo ped jobuke i 

z večernju se ruosu pekrilo. 

Cojti su stoli ne tam dveriši.. 

Izde sa štrukelj z paći diši.. 

Krove f štole vuodu zezovoju, 

guske se vunje vukuoluk jobuke negonjoju. 

Pred ječmi mi sliko tokvo steji.. 

Kok do dveriše izde gnjes živi. 

I marti bi glji tok zgledele

sume do bi čleveko imele.. 

A već go ja nie.. 

Nie go čuti mutuoro fjutre, 

kok z jorko pe blote drljinče, 

z kunticu mlieko k ceste sa žuri. 

Mlieke predo, 

kruhek kupi. 

Ter po sa krotki čausek pespeminjo,

i nuze,

f jorek, 

ne mutuoru

zevijo.